Tell it again, Sam

Tell it again, Sam

“Tell it again, Sam” weist all d’Facettë vun der Erzielkonscht an erlaabt eng flott Storytelling-Show mam Betsy Dentzer, Luisa Bevilacqua a Louisa Marxen z’erliewen. Op Lëtzebuergesch an op Franséisch.

.

D’Dier vum Café geet op, d’Luuchte ginn un. En Dag ewéi all aneren. D’Leit kommen, d’Leit ginn, mëschen sech, wiesselen sech of. Si erzielen, si ginn erzielt a lues a lues dauchen se op: déi kleng Geschichten, déi jidderee vun eis a sech dréit a mat sech bréngt.

D’Zitat “Play it again, Sam”, fälschlecherweis dem Personage Rick aus Casablanca zougesprach, war de Startpunkt vun dësem Erzielstéck. D’Erzielerinne Luisa Bevilacqua a Betsy Dentzer, a Kollaboratioun mat der Perkussionistin Louisa Marxen, hunn dorauser eng kleng Welt erschaf, déi d’Mënschheet mat all hire Geschichte feiert.

.

Foto © Bohumil Kostohryz